اسباب البول السكري في الحمل , مرضي السكري والحمل

اسباب البول السكري في الحمل , مرضي السكري والحمل
مرض الشكري , البول السكري , الحمل ومرض السكر

http://jo1sat.net/upload-download/do.php?img=6944
(البول السكرى) يعنى مرض السكر فى فترة

الحمل واذاى نتعامل معاه

بالنسبه للحامل اما
1 يكون عندها سكر بالفعل قبل الحمل وماشيه
على علاج له ودى ما نقلقش منه طالما ملتزمين
بالعلاج

2 سكر حمل وده سكر بنكتشفه لاول مره فى
فى الحمل وممكن يروح بعد الولاده

وفى الموضوع هنتكلم عن النوع التانى


1 هل اى واحده معرضه انها يجيلها سكر حمل؟

ايوه لكن فى سيدات اكتر عرضه من غيرهم
زى
1 ست اول حمل ليها وسنها اقل من 20 او اكتر
من 35
2 لو ست جالها تسمم حمل او سكر حمل
فى حمل سابق
3 لو الوزن ذايد عن الطبيعى
4 لو فى وراثه فى العائله بمرض السكر خصوصا
الاب او الام
5اللى حملت وعندها تكيس مبايض


2 اذاى اعرف ان عندى سكر حمل؟

فى اعراض تخلينا نشك فى الاول وهى
دخول الحمام كتير,عطش متكرر,بتجوعى كتير
ذيادة وزنك اكتر من الطبيعى فى الحمل

الاعراض دى نخلينا ننتقل عالمهم واللى هو
تحليل نسبة السكر فى الدم
والافضل نعمله صايم وفاطر
ادق من العشوائى


3 لو حامل وعاوزه اطمن اعمل التحليل امتى؟

غالبا لو هييجى سكر حمل بيبقى بعد اول 4
شهور حمل يعنى بعد ما تتكون المشيمه
لكن قبل كده صعب جدا

فلو حامل فى الاول وحبيبتى تعملى التحليل
للاطمئنان يبقى بعد الشهر الرابع


4 طيب ايه هى مخاطر السكر على الحمل؟

لو السكر عالى اوى عن الطبيعى بياثر بالسلب
على الام والجنين اذاى؟

1 الام

*معرضه يجيلها تسمم حمل
حدوث اجهاض
*ان كيس الحمل يفتح قبل ميعاد الولاده
*المناعه تقل ويجيلها التهابات متكرره
زى التهابات المهبل او فى الجهاز البولى
*حمى النفاس
*ان المشيمه ما تبقاش فى مكانها الطبيعى

الجنين

*حجمه يذيد عن الطبيعى ممكن يصل ل4
كيلو او اكتر
*تذيد الماء حوله عن الطبيعى وده ممكن
يؤدى الى وفاته وخصوصا بالقرب من ميعاد الولاده
*عدم اكتمال وظائف الرئه والجهاز الانفسى
*تشوهات وعيوب خلقيه


5 طيب ايه العلاج؟

**بداية هنقلل من اكل النشويات زى الارز والمكرونه
ونقلل من السكر فى المشروبات والحلويات

**بعد كده هنخلى بالنا ان لازم ناخد حقن اللى
بنسميها حقن الرئه لان زى ما قلنا السكر
بيسبب عدم اكتمال فى وظائف الرئه
ودى هناخدها قبل الولاده مثلا باسبوعين
** تالت حاجه والاهم الانسولين

6 احتياطات لازم تعمليها؟

1 المتابعه المستمره بالسونار يعنى ابتداء
من الخامس للشهر السابع مره كل شهر
وبعد كده لحد الولاده كل اسبوعين

2 دايما اسالى دكتورك على وزن الجنين
وكمية الماء اللى حوله لان دى المؤشر
اللى يطمنا عالجنين

3 اعملى التحليل كل شهر مره

4 تتابعى حركة الجنين ولو عدى يوم مش حساها
على طول تستشيرى طبيبك


7 طيب لو عندى سكر قبل الحمل وباخد حبوب
ينفع اكمل بيها؟

لا اقراص علاج السكر بتعمل تشوهات للجنين
وعشان كده هنمشى بانسولين وبعد الولاده
هترجعى للاقراص اللى كنتى ماشيه عليها


ملحوظه

المناعه بتبقى ضعيفه طبيعى فى الحمل وسكر
الحمل بيضعفها اكتر وعشان كده غالبا هتلاقى
عندك التهابات مهبليه وخصوصا فطريه متكرره
والتهابات فى الجهاز البولى

8 هل هيكمل السكر معايا بعد الولاده؟

غالبا هيروح بعد الولاده بس ممكن فى خلال 5 ل 10 سنوات يجيلك سكر
ودى نسبه قليله مش كتير

9 طيب ايه هى النسب الطبيعيه للسكر فى الدم؟

الطبيعى السكر الصايم ما يذيدش عن 110
والسكر الفاطر يعنى بعد الاكل بساعتين ما يذيدش
عن 140

عشان نقول ان فى سكر حمل بالفعل هنقيسه
مرتين منفصلتين فى ايام مختلفه ولو لقينا
لو الصايم اكتر من 126
او الفاطر اكتر من 200 يبقى
كده اتاكدنا ان عندنا سكر حمل
والنسب دى اعلى من اللى فوق لان ممكن السكر يعلى
شويه فى الحمل لكن فى حدود الطبيعى وعشان ناخد
علاج له لازم يذيد عن النسب الاخيره


بعد اللى عرفناه ياريت كل واحده حامل او منتظره
حمل تخلى بالها وتعرف ان سكر الحمل بقى شائع
جدا ومش هنخسر حاجه لو اطمنا وعملنا تحليل
زى ما بتعملى باقى تحاليل الحمل